Di Sait Vo Lusérn



01/06/2012
(Lingua e cultura)

Continua con successo l’impegno della Corale



Il 6 maggio la Corale Polifonica Cimbra ha partecipato ad all’importante manifestazione di canti popolari «Singen ist Heimat» che si è tenuta a Merano. L’evento ha coinvolto 90 cori, di cui solo 3 non provenienti dal Sudtirolo. La Corale Cimbra si è esibita domenica pomeriggio nel centro di Merano ed ha cantato prevalentemente canti in lungua cimbra. La partecipazione è stata importante per conoscere altri cori e diffondere la lingua e la cultura cimbra. An sunta atz 6 vo madjo di Zimbar Korale is gånt a Merån vor «Singen ist Heimat » a bichtega manifestaziong boda is kehnnt hergerichtet von Südtiroler Chorverband. Disa manifestaziong hatt ågeheft an vraita abas pittnan groazan kontzèrt, un iz gånt vür in sånzta in tages pinn kontzèrte von kòre von kindarn in gart von Schloss Trautmmandorf un atz abas pittan fèstkontzert in Kursaal. An sunta dar tage hatt ågeheft pittar miss in duomo vo Merån, sèmm soinse gevuntet alle di Kòre un håm gesunk pittnåndar. Verte di miss alle soinse givuntet in Kursaal zo lüsna an kontzèrt zo grüaza di laüt boda soin zuarkehnnt. An lestn alle di kòre håm bidar gesunk pittnåndar. In tages 30 kòre soin gånt ummar pa statt un hong o gehft zo singa aniaglas no soin staigele. Di Zimbar Korale hatt gesunk in vünf åndre plètz un alle di vert hattze gesunk vünf/sèchs kantzü, di meararstn aspe biar. In allz disa manifestatziong hatt zuargerüaft 90 kòre vo disan, drai alumma: da Zimbar Korale un zboa åndre, soin nèttt gest von Südtirol. Balzaz håm gevorst zo giana zo singa a Merån habar kött gearn vo ja un soin kontent zo habada gemak soin biar o pitt alln in åndarn kòre. ‘Z iz gest gåntz schümma ombromm alle di laüt bodaz håm gesek un håmaz gehöart singenn soinse genempart zo lüsnanaz pezzar un an lestn håmzaz gevorst vo bo bar khemmen un bas vor a zung bar ren. Vor alle üs soin gest a Merån in sèll tage iz gest gåntz bichte, ’z hatt geböllt muanen khennen åndre kòre, machan khennen Lusérn un soi Korale un trang ummar da zimbar zung un da zimbar kultur. Fabiana Nicolussi Paoalz

l'adige pag.45