Let’s keep our roots alive sono le parole d’ordine di Gbemisola Isimi, la donna londinese di origini nigeriane che ha dato il via ad una piccola rivoluzione per la salvaguardia delle lingue di minoranza in Africa. 
Il suo progetto, il Creative Tree Tv su Youtube, nato all’inizio solo per insegnare la madrelingua Yoruba ai suoi due bambini, è diventato virale in pochissimo tempo tanto da volerlo estendere a moltissime culture minoritarie del continente, altrimenti in pericolo.

Gbemisola Isimi, boda est lebet in Inghiltèra, redet zuar soin zboa khindar lai in Yoruba, a gåntz khlummana zung boma redet in Nidjèria – in Afrika – un boda, azpe alle di zungmindarhaitn haüt zo tage, iz nå z’ stèrba umbrómm si khint geredet lai fra biane un alte laüt. Gbemisola, balse iz gest khlumma, hatt geredet lai da sèll zung. 
’Z baibe est lebet in Euròpa un soine khindar bizzan bintsche nicht vodar earde vodar muatar, no mindar vo soinar muatarzung. Ma Gbemisola böllat azta di khindar mang reng – odar daz mindarste vorstìan – dar Yoruba zoa zo halta lente daz sèll bintsche boda no steat vo soine burtzan, vort bait in Afrika. Vor vil zait Gbemisola hatt gesüacht ummar bobràll bia zo maga lirnen in khindar soi zung ma ’z izta nia gest eppaz bodar hatt gemakk helvan. 
Alóra, azpe in di pestn stòrdje, ’z baibe hatt detzìdart zo tüana n’alùmma. Ma nètt lai azpe bar mang pensàrn: in biane zait hattze augelekk a sait aft internet, aft Youtube, pitt ploaze sachandar geredet vo irn sèlbart in soi muatar-zung: gespila, libadarn, gesinga un börtar. Lai asó soine khindar håm gemakk lirnen da sèll alt zung, dar Yoruba, spilante. “I hån gesekk ke moi diarndle, no vo gåntz khlumma, hattmar hèrta gevorst moi iPad z’ schauga å di kartóni un hatt hèrta geböllt lüsnen di stòrdjela vor di khindar” khütta Gbemisola. “Vor ditza – geatze vürsnen zo kontàra – hånne detzìdart zo tüana öffe a sait aft Youtube un zo legada drau musìk in moi muatarzung: pittn gesinga di khindar lirnen vil börtar, nètt lai baz sa bölln muanen ma soi klång o”. Haüt, antånto azpar schraim, da sèll sait aft Youtube boda an earstn hettat gemocht lirnern a zung in zboa khindar, iz khent gesekk vo merar bar vürzekhtausankh laüt vodar gåntzan bèlt. Allz ditza machtaz vorstìan ke azma böllt, a zung makmase auhaltn pitt daz sèll boma hatt. Ma daz earst von alln disa stòrdja machtaz gearn gloam ke vor alle, biar Zimbarn un di tausankhar zungmindarhaitn vodar bèlt, a muatarzung iz di zung von hèrtz, un vor ditza mochtmase hèrta schützan un trang vür.

AvT