Iscrizioni record per l’edizione di quest’anno della 100 KM dei Forti che anche quest’anno ha richiamato sull’Alpe Cimbra ben mille e quattrocento atleti solo per l’ultima tappa di domenica: 92 chilometri di fatica e sudore, tra i luoghi della Grande Guerra che i più forti riescono a percorrere in poco meno di 4 ore. 

Cristiano salerno vor di månnen un Katazina Sosnavor vor di baibar soinz di zboa loavar boda håm gebunnt da lång gara boda macht khennen da Zimbar Haochebene in da gåntz bèlt, gehoazt 100 kilomtre von Fört. ‘Z iz gest a schümmandar barmar tage, dar sèll von vorgånate sunta, vor di tausankh un viarhundart loavar boda ditza djar o soin gerift atz Lusérn, Lovrou un Folgràit: Juri Ragnoli, Cristiano Salerno, Federico de Giuli, Franz Hofer, Poalo Colonna, Luca un Andrea Martini, Katazina Sonsa, Alessia Bulleri un vil åndre soinz lai a drai nem, di bichtegarstn, von schiar tausankh un viarhundart loavar boda håm genump toal disarn gara; zboa un noüntzekh kilometre nidar un au pa Hoachebene, alumma lai pinn rat, a gara obarvoll pitt fadige un gesbitza boda di stecharstn håm gemacht verte in mindar baz viar urn. Di gara von sunta iz toal vodar Millegrobbe Bike boda innimp åndre zboa tappe in di tang vornahì, di Lavarone Bike vo draitzekh kilometre an vraita un di Nosellari Bike vo viartzekh kilometre an såntzta. Da soin gest vil di laüt boda an sunta morgas, in aldar vrüa, soinse gevuntet in Platz atz Lusérn zo boroata umbrómm haür o di gara iz pròpio pasàrt in lånt. Di loavar soin partìrt di noüne von Parco Palù vo Lavrou, soin gånt fin au attn Belem un vo sèmm gerade zuar Vesan, dena abe in Milegrùam un auvar von Frèttle. Di earstn soin gerift atz Kraütz sà di zene un ummandar nå in åndar abe pa Ekk un nidar pa Prünndle. Gerift in Platz hatten gepitet dar earst vo vünf ristore pitt ploaz Lusérnar hintar in bånko un auz pa Platz zo gebanen eppaz zo trinkha odar z’ ezza. Von Platzdi loavar soin gånt durch pa Pill, nidar kann Kastelé un vo sèmm håmsa genump ‘z staigele von långez bodase hatt gevüart finn ka Maséttn nidar pa Salveredjìna. Di gara iz gånt vürsnen zuar Laghetto, au attn Tablàt, nidar attn Kost, zuar in Belvedere, Monte Rust, Forte Cherle, Passo Coe, Mèzaselva zo riva finn atz Folgràit . Azpe hèrta in diese tang von sunjo, ‘z bèttar hatt nètt sovl geholft, ma nia azpe haür ‘z iz gest alz ummaz asó schümma vor Lusérn un vor di Lusérnar daz earst vo alln z’sega da sèll lång protschessiù redar durch un her pa lånt.
(avt)