Scade il 17 ottobre il termine per inoltrare le domande per il patentino di lingua cimbra
’Z izta zait sin an menta atz sintzane von bimmat zo maga inngem in vorsch zo maga auhaltn in pruf vor in pefèl vodar zimbarzung un vodar zimbarkultùr.
Bar gedenkhanaz ke balda khint inngètt dar vorsch, di kandidètt mochan håm sa kompirt di 17 djar, un mang vorsan zo macha in pruf vor aniaglan stèpfl, åna zo halta kunt vo bela schual da håm gemacht. Ma mage inngem di kartn gerade in sekretariàt von Sèlbargeredjart Toalkamou vodar Zimbar Hoachebene, odar augemse durch fax (0464/780899), odar pittar post “rakomandart pitt zettl bidrumm” (azta khint getånt asó, bartma haltn guat in tage von stempl vodar post), odar, azta dar kandidàtt hatt an account PEC, magarse augem pittar e-mail PEC, schikhantese atz: Magnifica Comunità degli Altipiani Cimbra Fraz. Gionghi, 107 38046 Lavarone odar, PEC: comunita@pec.comunita.altipianicimbri.tn.it.
Pinn formulàr auzgevüllt, mochtma khluppm kòpia, vodar khennkart. Zo bizzasan mearar makma vorsan atz: A türle afti zung von Sèlbargeredjart Toalkamou vodar Zimbar Hoachebene, von menta fin in fintzta vo di 09.00 fin di 12.00, tel. 0464/784170, e-mail sportellocimbro@comunita.altipianicimbri.tn.it Ma mage abenemmen in formular innzogeba in vorsch afte websait von Toalkamou: www.altipianicimbri.tn.it in di sait “Sportello Linguistico cimbro – A Türle afti zung”.
Trentino, Di Sait vo Lusérn, venerdì 16 settembre 2016