Tra tutti i social network dei tempi moderni, quello da tenere sott’occhio è sicuramente Instagram, la piattaforma che permette di postare foto e brevi video di ciò che ci circonda in qualsiasi momento della giornata. Basta un account online, una buona idea e un hashtag per far vedere il mondo con nuovi occhi che non ci aspettavamo, difficili da trovare sui media mainstream. L’idea venne a due americani in viaggio in Costa d’Avorio che qualche anno fa aprirono un account, prima su Tumblr poi su Instagram, chiamandolo #everydayafrica, su cui i fotografi africani o di passaggio nel continente potevano pubblicare le loro foto, quelle che non entrano in nessun reportage, prese quasi per caso con uno smartphone, accompagnate da brevi didascalie. La stessa freschezza di quelle foto si trova anche oggi geolocalizzandosi su Luserna, dove ogni giorno centinaia di fotografi amatoriali e quasi anonimi pubblicano scatti inaspettati della terra Cimbra. A tiabas a bòtta gevalltaz gian aft internet z’ sega bazta iz vo naügez boda ågeat ünsar lånt un bazpar vennen iz hèrta – gloabetmar – an hauf, siånka azta Lusérn iz khlumma un vort bait von groazan stattn. A bèlt, da sèll vo internet, boda hatt romai gebùnnt an platz boda bart nia khemmen gelekk attna sait: schiar alle di laüt boda arbatn haüt mochan khånen nützan internet un an komputer. Haüt zo tage di Social Network - azpe Facebook, Twitter, Messenger un Instragam – soin nå zo gebinna hèrta mearar platz un importåntza nètt lai fra di djungen ma fra vil åndre laüt o bodada mang sinamai drau arbatn un gebinnen gèlt. Aft dise Social Networt makma romai vennen alz un di naüge rivan pellar sèmm baz afti gröazarstn djornél online azpe Repubblica odar Corriere.it. Vo alle dise social, dar peste iz furse Instagram, a platz bomada mage drauleng foto gemacht pinn telefonì un di brevarstn vo dise fotografi mang khemmen gekhent vodar gåntzan bèlt. Eppaz gåntz schümma iz vürkhent vor a par bochan: dar Alessandro Gasperi hatt gemacht a foto von pontesöl abe boda, vo zöbrest dar Ris, schauget abe zuar in lånt un vånkh inn di pèrng umminùm o. In sèll abas di sunn iz gest nå zo giana oine un in hümbl soinda gest vil khlummane bolkhnen, azpe öm in di kampiglndar, a par rosate, a par baize, åndre anvetze grisat. Dar Alessandro hatt gelekk soi foto aft Instagram un, in biane urn, da sèll foto hatt gemacht di khear von web ziagante au an hauf like. Dopo lai a par tang, dar djornàl Trentino hatt genump di foto un hattse gelekk aft soi sait Facebook un sèmm izze khent gesek no mearar, zoagante an tòkko Lusérn boda furse nèt alle håm nonet gehatt gesek. An åndadar nåm zo halta in sinnt iz dar sèll von Marco Gober vo Folgrait, a djungar fotografo boda geat ummar pa dar Zimbar Hoachebene, in di lentla asó azpe in di beldar, zo macha foto vo alz daz sèll boden gevallt: dar hümbl, di stèrn, di èlbar, di umbèlt, di laüt, un vil åndarst. Er o hatt soi groazan pùbliko afti social: mearar baz draihundart laüt gianen nå aft Instagram ma bar man gearn gloam ke sa bartn soin vil mearar in gåntz biane zait. Sichar iz ke haüt zo tage di Social Network soin khent z’ soina eppaz bichte, azparz bölln khön, vor di lentla azpe Lusérn odar di plètzla vort bait un lugàrt umbrómm a foto mage est machan di khear vodar bèlt in biane sekunde un kissà biavl laüt gedenkhanse asó no vo soi khlumma lånt aftn pèrge. 
AvT