É cominciato da poche settimane – ed è ancora possibile prendervi parte - il corso per diventare volontari della Croce Rossa Italiana, già la seconda edizione del 2016 per il Comitato degli Altipiani Cimbri che conta sempre più volontari. Un’opportunità per donare il proprio tempo al servizio delle persone più bisognose della comunità, non soltanto attraverso il soccorso in ambulanza.

In dise earstn bochan vo novembre izta ågiheft dar naüge kurs vor di volontàrdje von Roat Kraütz, hergirichtet von Komitàtt vo dar Hoachebene. Dar kurs iz offe alln, ’z iz ginùmma håm sà kompìrt 14 djar. Naüge volontàrdje, vor in Komitàtt, soin az bi naüga enerdja, naüga sterche, naüge idee un a groaza possibilità zo kressra. Lai asó di laüt von ünsarn kamöundar mang no gloam zo giana vür benn di deblar håm mengl hilfe. «Liabar tschéll – asó hefta å di lettar gischribet von volontàrdje von Komitàtt - ånka azparaz seng vil vert nå de bege, ånka azpar lem nåmp, azpar håm di gilàichegen tschelln un azpar haltn gearn di gilàichegen plètz, boaze nèt aztar iz nia khent vür zo segame gian auz von haus benn i hån å da sèll roat rüst pittnan groazan kraütz affon rukkn. I pinn an volontàrdjo von Roat Kraütz, an arbat bodamar vorst ploaza zait un lust, ma boda anìaglandar tage zaltme auz pitt liabe, pitt larcharla un pitt hoftn von laüt bode bokhénn aff moin bege, un vo ber ’z letze in moine hent. Umbrómm pinne nå zo kontàradar allz ditza?
Umbrómm i bill nèt haltn lai vor mì daz guat vo daz sèll bode hån zornìrt zo tüana. Hasto hèrta gimunt ke Roat Kraütz iz lai ambulåntza? ’Z iz nèt asó. Roat Kraütz soinz di “laüt vor di laüt”, bida khütt ünsar slògan, umbrómm allz daz sèll bobar tüan tüabarz vor di laüt.» Haüt daz Roat Kraütz hatt sèks aree vo attività, zo lazza asó zornìrn in volontàrdje zo tüana daz sèll bosa håm gearn.
Nåmp in sokórso pittar ambulåntza, dar Komitàtt geat nå dar preventzióng vo dar salute, ziaget vür prodjèkte affon sociale un boróatetze vor groaze emerdjéntze vo zivìlschütz boda magatn valln auz aft ünsarne pèrng. In biane börtar in disa veròine izta plàtz vor alle. Dar kurs prevédart 18 urn vo letzióng auzgitoalt in sim abas. In di earstn drai, disa veròine, bart zoang in laüt alle di attività boda khemmen gimacht. Gianante vürznen bartnda khemmen kontàrt di strategie un di prodjèkte vor di zait boda bart khemmen. Lai a par letzióngen soin aff d’earst hilfe.

AvT