Anche quest’anno Luserna si riconferma meta ambita del turismo culturale; oltre diecimila visitatori, hanno potuto conoscere, approfondire e apprezzare storia e cultura cimbra attraverso le sale espositive del Centro Documentazione Luserna. I temi affrontati all’interno del museo, come di consueto, non si limitano tuttavia all’area cimbra degli altipiani ma abbracciano uno spazio più ampio e variegato, come confermerà la mostra in programma per il 2017: “DinoMiti – rettili fossili e dinosauri nelle Dolomiti” – un percorso espositivo sull’evoluzione di rettili e dinosauri nelle Dolomiti.

Haür o dar Dokumentationszentrum Lusérn hatt vürgitrakk mearare bichtege arbatn boda håm gimacht khennen pezzar, alln in tschelln bodaz soin khent zo venna, baz da iz vürkhent, vor zaitn, at da ünsar hoachebene un vil betar o. In allz, di laüt boda soin khent z’sega di auzstèllungen augerichtet vor ’z djar 2016 soin gest 10.258 un, vo dise, schiar 2.500 soin zuarkhent augitoalt in achtunsèchtzekh gruppe: vil soinz gest taütsche un belese ma, haür, soinda zuargerift vil mearar studjént von obarnschualn un von untarschualn o.
Da groaz auzlegom “Da Zimbar Hoachebene in Earst Bèltkriage” hatt gizoaget un giredet vo baz da iz vürkhent in laüt von Lusérn un in prüadar vo dar hoachebene vo Slege balda iz auzgiprocht daz earst bèltkriage. Dise laüt, boda abeståmmen vo dar gelàichega earde un boda soin gest gepuntet vo dar zung o, soin gest getoalt von an konfì; a grentze boda hatt quase gimacht gian gåntz vorlort da zimbarzung bo ma hatt giredet in di Simm Kamöundar. Da groaz auzstèllung zoaget o bia z’håmda gilebet di soldàn un bia ma hatt gesüacht zo pezzra hèrta mearar sklöpp un sbèrtn zoa azmase mage nützan bachemmegar un destrar.
Auz pann summar soinse gihaltet drai trèff, boda håm ginump toal vil laüt, zoa zo maga khennen pezzar di fört un ’z gekhempfa bodase iz gihaltet atti ünsarn pèrng. 
Azpe hèrta, in di månat vo höbiat, snitt un auz pan herbestmånat, soinda gest offe ’z Haus von Prükk un di Pinakotèk o, boda soin khent auzgistèllt naüge arbatn von Rheo Martin Pedrazza.
Azzarz nèt hatt dartånt zo giana z’sega da auzstèllung 2016, gidenkhparaz ke ’z izta no zait alle tang, von 26 von kristmånat fi n atz 6 von hochnach un, atz 17 vo abrèl 2017, saitar alle inngeladet in Dokumentationszentrum vor da naüge auzlegom.