Dar 31 von otobre iz dar lest tage boma mage inngem zo nemma toal in draite konkors z'schraiba azpe biar "Tönle Bintarn". Azzar hatt a par a stördjele lugart züntrest in kasetì odar azzarz no hatt in khopf un boazt nonet bia 'z bart gian zo geriva, azta epparummaz hattaz kontart a schümmana stòrdja un eråndre bölltze pròpio machan khennen, disa iz da djust okasiong zo ziagase auvar un zo schikhase in konkors boda dar Kulturinstitut lekk au pittnåndar pinn kulturinstitüt von Simm un von Draitza Kamoündar. Dar konkors Tönle Bintarn iz gemacht pròpio vor ditza, zo macha schraim azpe biar di laüt bodaz nia håm getånt, ma boda höarn in se z'soina toal von ünsar khlumma-groaz lånt, un boda höarn azpe muatarzung da sèll alt zung boda håm geredet di vetar. Nemmen toal iz dèstar, antånto iztada nicht zo mucha zaln, 'z iz genumma schikhan soi stòrdja durch mail in:

amministrazione@istitutocimbro.it odar durch post in Kulturinstitut bege von Prünndle 5 38040 Lusérn.Dei alóra baz paitetar z' schraiba?