L'autosanitaria della Croce Rossa degli Altipiani ha una nuova sede a Carbonare, in posizione baricentrica tra i paesi di Folgaria, Lavarone e Luserna. Il servizio ha permesso un significativo aumento della qualità del soccorso sanitario urgente, grazie alla presenza a bordo dell'unità di soccorso di un infermiere rianimatore. La nuova sede dell'autosanitaria ha trovato posto, nel Centro Civico di Carbonare appena ristrutturato, con spazi ambulatoriali più grandi e comodi nonché un garage facilmente agibile

Allz hatt ågeheft 'z djar 2003 balda di laüt von Roat Kraütz vo Folgrait håm übarlekk ke, kartza vil vert khintzen vür zo mocha gian zo nemma di laüt boda stian letz tortemitt in beldar, odar balz snaibet starch un di beng soin schiar gespèrrt. Ettlane vert di ambulåntza hattzen nèt dartånt, 'z iz no vürkhent ke anvetze baz zo maga trang hilfe di laüt von Roat Kraütz soin gestånt sèlbart nå de bege. Asó, atz Folgrait vor earst, izta khent augelekk dar dianest "autosanitaria" biar magatnen haozan "dokhturauto". Daz earst vo alln izta khent zornirt an auto boda mage gian schiar bobrall, aft aniaglan bege, pitt aniaglan bèttar, 'z izta khent inngestèllt an professionàlinfermiar boda hèrta iz boroatet zo loava boda da iz mengl. Dar profesionàlinfermiar mage gem medisìn (höarante però in dokhtur von 118) un mage detzidarzn bida 'z mentsch mucht khemmen getrakk gerade in khrånkhhaus, magare rüavante in elikòttero, odar biz mage paitn dahuam azta rif di ambulåntza, odar azta pezzar 'z bèttar. Khöbarsaz, vor di laüt von pèrng, vort bait von ospedeldar, di volontardje von roat kraütz vil vert soin gesek azpe djüste englndar un alle habar nia verte zo khödanen vorgèllz Gott, siånka azza rivatn zo vuaz.