Opportunità di borse di studio ad Innsbruck
Haür, azpe sa iz vürkhennt in di vorgånnatn djar, dar Kulturinstitut Lusérn mage untarstützan studentn boda gian in auzlånt zo lirna da taütsch zung. Ma gloabet az sai starch bichte vor ünsarne djungen khånense gem zo vorstiana atz taütsch, saiz ombromm da ünsar zung iz gepuntet pinn taütsch, saiz ombromm alle tage izta hèrta mearar mengl zo nützaz. Di studentn boda bölln nemmen toal in kürs mang zornirn zo giana in di Università vo Innsbruck, odar in an sètz von Goethe Institut in Taütschlånt. Dar Kulturinstitut mage untarstützan lai di lusérnar student, odar di sèllnen boda abeståmmen vo lusérnar, boda håm mearar baz 18 un mindar baz 27 djar. Vorda khinnt gètt rècht zo giana in auzlånt dar Kulturinstitut billsan drauren pinn sudentn sèlbart. Zo bizzasan mearar makma årüavan in Kulturinstitu Lusérn. (0464 789645)
l'Adige, di Sait vo Lusérn, venerdì 17 luglio 2015, pag. 36