Da lunedì 12 ottobre iniziano i nuovi corsi per volontari della Croce Rossa che si terranno a Carbonare nelle serate di lunedì e giovedì. Croce Rossa non è solo ambulanza, per terra o per cielo, è presenza speciale e discreta indispensabile ogni giorno, non solo in situazioni di emergenza. Croce Rossa è quotidiana diffusione di alti principi e valori morali, difesa del Diritto Internazionale Umanitario e promozione di una cultura di pace. Per chi volesse informazioni: comitatoaltipiani@critrentino.it 

Rüaf daz Roat Kraütz! Rüaf daz Roat Kraütz! Bahemme, bahemme! Bintsche khurtze börtar boma nia böllat höarn, börtar boma nia böllat hokn; ja, ombromm balda iz mengl von Roat Kraütz steatma nèt sèmm zo übarlega bia un baz, allz khint gedrukht in an unatzegen hokar boda vånk 'z hèrtz. Daz roat kraütz! Groazan glük håmda di laüt boda nia håm durchgemacht di sèlln schaülan trauregen minùttn boda allz steat in an unatzegen schroa. Di sèlln baibar un månnen pittar roatn rüst un daz groaz kraütz affon rukkn soinz di uantzegen englndar bobar petn azza tüan palle zo riva balda 'z lem inkeat vort bahemme. Ma ber izzen no gevorst dòpo zo haba gehatt mengl hilfe, dòpo azta dar groaz schrakh iz vorgèzzt: "Ah nicht in gåntzan, da håmar lai augehenk a flèbo, ja est steade pezzar." Ber izzen no gevorst ber 'z soinz di baibar un di månnen von Roat Kraütz? Englndar? Laüt boda håm a missióng? Hèldar? Soinsa groaz un starch un vörtnse vo nicht un vo niamat? Nò, gloabetmarz, nicht vo allz ditza, 'z soinz laüt azpe alle biar, bodase vörtn vonan vaschangesrpünst, boda loavan zo lega au a zèrottle azzen machan a hèkkhle, bodase darzürnen un, a tiabas a bòtta, gaülnsa insinamai. Nèt alle soin simpatisch, nèt alle soin schümma, nèt alle soin djung, nèt alle håm studjart; insomma, 'z soinda schümmane un schaülane, simpatisch un unsisimpatisch, djunge un alte, ma balsa åleng da roat rüst khemmenz alle genoatn laüt von Roat Kraütz un nicht åndarz. Sidar mearare djar izta a khnopf von Roat Kraütz atz Lusérn o un ber 'z hatta gehatt mengl vo se boazt biavl guat 'z tüat, balma steat letz, håm nåmp a mentsch boma khent. Laüt azpe alle, sichar, un azpe alle, di laüt von Roat Kraütz o håm an arbat un a famildja, khindar z'zügla, alte drauzoschauga un mang nèt rivan bobrall, vor daz sèll soinda hèrta mengl naüge volontardje zo geba a hånt; gem a hånt tüat pezzar in berdase gitt, baz in berdase vånk, gedenkhtzaz.

Andrea Nicolussi Golo