Si è svolta dal 2 al 5 giugno a Lavarone la manifestazione denominata “Recuperando il tempo”. Rievocazione storica in costume, convegni e altri appuntamenti per rivivere la quotidianità dei nostri paesi così come avveniva 100 anni fa. La manifestazione è stata organizzata dal Comune di Lavarone in collaborazione con le Istituzioni dell’Altopiano, con il fondamentale aiuto delle associazioni di Lavarone e dei moltissimi volontari che hanno partecipato. Un viaggio nel passato che aiuta a rivivere, non dimenticare e a tramandare antiche passioni, arti e mestieri che ormai al giorno d’oggi difficilmente si possono vedere e provare. 

Dar Kamou vo Lavrou pittnåndar pinn åndarn feroine vo Lavrou un vodar Haoachebene håm augerichtet, von 2 atz 5 von sunjo, a gåntz schümmana manifestaziong boda hatt gehoazt “Recuperando il Tempo”. Viar tang boma hatt gemak seng bia da håm gelebet ünsarne altn dise djar: bia z’ izta gest ’z lem, di arbatn un di kostümm in ünsarne lentar vor hundart djar. Ma hatt ågeheft an finzta mòrgan pinn baibar in di bisan boda håm gement’z höbe azpe dise djar pittar sengest.
In tage drau izta khent augerichtet a schaugespil boda hatt gehoazt “Zboa soldàn in di sunn”. Abas anvetze izta gest dar kontzèrt vodar bånda Kaiserjager, un dena dar bichte trèff “Europa gestarn, Europa haüt” pinn Ugo Rossi, dar Presidént vodar Provìnz vo Tria, boma hatt geredet vo bia ’z soinda gebèkslt di sachandar in Europa in dise lestn hundart djar un vo bia ’z mage gian vür haüt. An sånzta hatta bidar gefitf di bånda Kaiserjager un dena in gåntz tage alle di laüt soin gånt ummar pan fratziongen vo Gionghi, Azzolini, Bertoldi un Chiesa hergerichtet azpe vor hundart djar: pa bege soinda gest tischlar, bakè, smittn, hakharkhnottn, baibar boda håm gebèscht in prunn odar boda håm gekhnöpplt, un åndre laüt ågelekk vo bakè un soldàn vo dise djar. Hèrta in dise fratziongen hattma gemak èzzan bazza håm gèzzt alóra, khoavan sachandar håntgemacht un seng auzlegom vo gespila, karötzla un geplèttra vodar altn schual. An sånzta o berda da nèt iz gånt in tage vor, hatt bidar gemak gian pinnn “zboa Soldàn in di sunn”. Abas anvetze iz gest zait zo tånza an valtzer gerüstet azpe di österraichan in di zait vodar printzéssin Sissi.
In lest tage dar fòrte Belvedere vo Lavrou hatt bidar gekheart z’soina gelebet, ma hatt asò gemak seng bia ’z iz gest in Groaz Bèltkriage vor di soldàn boda hån gemocht kriang, bia sa håm gèzzt in vormaz, bia da soin übarlebet. Alln in laüt boda håm gèzzt izzen khent geschenkht di gaméla, a tatza a pirü un a löffl von soldàn. Alle di tang vodar manifestatziong hattma gemak gian ummar, gevüart von volontardje, z’ sega di pestn plètz vo Lavrou un vodar gåntz hoachebene.
Hintar in Kamou izta gest khent augerichet a tendù, boma hatt gemak gian z’ ezza un zo trinkha. Disa schümma manifestaziong iz gånt gerècht übarhaup vor di arbat von volontardje, boda håm gètt a hånt, ber khochante, ber rüstantese. Ma sperart che ’z djar boda khint bartze bidar khemmen gemacht umbrómm khearn bodrumm at’z lem vo vor hundart djar hatt servirt zo pensara bia bar soin gest un bia bar soin, un bia bar bartn soin in di djar boda khemmen. 
Daniel von Polètz