Dar Kulturinstitut pittnåndar pittar feroine Bilinguismo Conta, pittar Universitet vo Tria un pittarn sèlln vo Edimburgo hatt geschribet an zettel gehoazt "Famildje pitt Dupplzung" a bichtega arbat boda zoaget pitt bintsche, ma bichtege, börtar, ombromm ren mearare zungen iz eppaz boda macht raichar di famildje un gitt an strumént mearar in khindar augezüglt dupplzung. Disar zettl, geschribet azpe biar un atz belesch, bart khemmen auzgètt in di bochan boda khemmen alln in famildje, in di schualn un bobrall boda soin khindar. Azzaz khint in di hent ditza zettele, nempaz vünf minuttn zo lesa, dar bartr sichar darvern sachandar bodar nèt hatt gebizzt.