Le malghe, presidio del territorio, sempre più al centro dell’attenzione.
Anche quest’anno tornerà la tradizionale Desmontegada, giunta ormai alla sesta edizione, organizzata dall’Azienda Agricola Obarlaitn in collaborazione con APT Alpe Cimbra, Baita del Neff e Vigili del Fuoco Volontari di Luserna. Al termine dell’alpeggio estivo da Malga Costalta le mucche torneranno in paese, dove resteranno fino alla prossima primavera. Come sempre sarà un’ottima occasione per passare del tempo insieme, passeggiare nei boschi e gustarsi l’aria fresca e i piatti tipici dell’Alpe Cimbra. Quest’anno ci saranno anche molte novità! La manifestazione si svolgerà il 17 settembre, per tutte le informazioni e per le prenotazioni è necessario rivolgersi all’APT.
In di lestn djar izta nå zo kheara bodrumm dar lust zo leba un zo tüana sachandar vo dise djar, vor ditza di APT Alpe Cimbra haür richtet au vil okasiongen zo darvera daz zimbar lem vonar bòtta: disan summar habar defati sa geredet vodar manifestatziong “Recuperando il Tempo” vo Lavrou, ma atz Lusérn o soinda khent gemacht trèff pittar zimbar zung, pittar khnöpplschual un vil laüt soin zuarkhent z’sega ’z Haus von Prükk, hèrta zo gedenkha di vorgånnatn djar.
Nå disan lust, haür o barta soin di manifestaziong “Abevazzan in pèrge”, augelekkt vodar Azienda Agricola Obarlait, vodar Baita von Neff, vodar APT un von pompìarn vo Lusérn. Disa manifestaziong, boda grüazt in summar un latt platz in herberst, iz ormai khent a traditziong vor Lusérn un vor di fremmegen boda zuarkhemmen hèrta mearar. ’Z iz sidar ’z djar 2011 bose khint augerichtet. Haür “Abevazzan in pèrge bartze haltn in sånzta atz 17 von setembre, un azpe di åndarn djar di pompìarn bartn vüarn di laüt von Platz fin au kan Khesarn vo Kostalta, sèmm di Baita von Neff bart håm boroatet a guata marénn, un di saltéi bartn kontarn stòrdje un lirnen in laüt sachandar von ünsar balt un vo ünsarne vichar. Di zene di khüa bartnze leng in bege zuar in lånt pasarante vo Milegruam un von Sbånt zo riva in di bisan vodar Riis un von Hüttn. Nå de bege bartma o vennen di hunt Bovari pitt soine karettn: a gåntz schummana naüge vo ditza djar. Di zbölve iz zait vo vülla in pauch vo alln in laüt: pult, basöln, kraut, skodegì un turt, allz gekhocht von Agritur Galeno, zo stiana non pezzar alle pittnåndar barta khemmen gefift schummana musìk. Spetar barta khemmen gezoaget bia ma macht di toséla un dena bartmase mang khostn lai djüsto gemacht. Dòpo dar tosela di khindar bartn spiln pin gespila vo dise djar, di eltarn, anvetze, mang singen pitt a pizzle karaoke. Di drai in tages bartmase spostarn alle in Haüs von Prükk boda da Zimbar Korale sink a par kanzü, un di baibar bartn lazzan seng bia ma hatt getånt, un tüat no haüt, zo khnöppla. An lestn zo riva bartma mang gian in stall vodar azienda Obarlaitn zo mèlcha di khüa un zo geba di milch in khèlpla, un ber da bill bart mang provarn o! Zo maga machan an tage asò, mochtmarse inschraim in di APT vodar Alpe Cimbra. Sichar dizta iz a schümmana okkasiong zo stiana pinn tschelln un hizotraiba an tage in di beldar vodar hoachebene.
Daniel von Polèz
Trentino, Di Sait vo Lusérn, venerdì 16 settembre 2016