Era il 1992, l’Istituto Culturale Mocheno-Cimbro era nato da un solo anno, quando è stata organizzata la prima Colonia Cimbra. Quest’anno sarà la 25° edizione, e l’idea di un momento di aggregazione estiva a Luserna per bambini e ragazzi dai 3 ai 15 anni è sempre viva e in evoluzione. Infatti negli anni ci sono state modifiche del progetto, come la durata e la sede della colonia, negli anni il cimbro ha preso sempre più importanza anche grazie all’istituzione del patentino di cimbro e alla pubblicazione di molti testi anche didattici. Nel corso dei 25 anni di Zimbar Kolònia quelli che prima erano i ragazzi ora sono diventati gli animatori, segno degli anni che passano e di un progetto valido che continua ad essere realizzato evolvendosi nel tempo per soddisfare le esigenze dei tempi.

Vor vünfunzbuantzekh djar dar Kulturinstitut, no pinn möknar, hatt augerichtet da earst Zimbar Kolònia vo Lusérn. In dise djar di kolònia iz gekresart un iz någestånt in zaitn boda bèksln. Dar Kulturinstitut ’z djar 1992 hatt augerichtet da earst Zimbar Kolònia zoa azta di khindar un di djungen von 3 afti 15 djar mang stian pittnåndar zoa z’ spila un zo divertìrase. In di djardar soinda khent augerichtet ettlane djite, in kastèl von Beseno, in zoo vo Pastrengo un vil åndre. Di earstn djardar di khindar soin gest getoalt in zboa gruppi: di khlumman un di groazan; zoa zo macha attività vor soine djardar. Von djar 2012 dise zboa toaln soin khent rikonósart pinn naüge servitzio “Nètt lai måmma”, vor di khindar von 3 månat afti 6 djar un pittar naüge Zimbar Kolònia vor di djungen obar in 6 djar. Dar alt asìlo iz gest dèstar vor da Zimbar Kolònia ummbróm ’z izta gest dar gart un di khuchl zo maga boróatn z’ ezza lai sémm. In di djardar di Kolònia iz khent augerichtet in di schual nåmp dar khirch un in di lestn djardar in da naüge sala Bacher. Haür bartze khemmen getrakk in Bildungshaus, kan Hüttn, zoa zo maga soin nåmp in balt un dar natùr. Defàtti da Zimbar Kolònia hatt hérta pensàrt zo macha stian di djungen in di natùr un in balt machante attività un gianante a spasso. ’Z soinda hérta gest vil khindar bodase soin inngeschribet, un daz meararste soinsa gest in 35, in di djardar soinsa khent mindar ma dar Kulturinstitut hatt hérta gehaltet hert un iz gånt vürsnen bèkslante in projèkt gianante nå in zaitn un in pit von famìldje. In di djardar da Zimbar Kolònia hattmase gemakk machan pittar hilf von Kamou vo Lusérn. Da zimbar zung iz khent hèrta mearar bichte un di assisténti mochan håm in patentì un mochan hérta ren azpe biar pinn khindar zoa zo helva zo halta lente di zung. Di sèllnen boda di earst djardar soin gest di khindar un di djungen, est soin khent assisténti: ditza bill pròprio munen ke di zait pasàrt, ma ke di guatn projèkte stian, bèkslante un stianante nå in zaitn boda hèrta gian vürsnen. 

Daniel von Polèz