"KRITZEL, KRATZEL"
è una "non-parola" per definire uno scarabocchio fatto sul foglio bianco quando i pensieri dell'infanzia volano con la fantasia

Kritzel, kratzel
durch un her,
kritzel kratzel
'z iz nètt sber.  

Kritzel, kratzel
umanùm,
kritzel, kratzel
khear bodrùmm.  

Kritzel, kratzel
plabe un grümma,
kritzel, kratzel
oh, bi schümma.  

Kritzel, kratzel
roat un gel,
kritzel, kratzel
'z iz na sakh mel.  

Kritzel, kratzel
hèrta pezzar,
kritzel, kratzel
'z iz na mezzar.  

Kritzel, kratzel
'z iz moi khinn
attn bege
pitt nan ring.  

Kritzel, kratzel
'z iz na maüsle
kukket auz
von khlumma haüsle.  

Kritzel, kratzel
'z iz na nas, 
si iz krump un dikh
un iz von has.  

Kritzel, kratzel
'z iz na roas,
si iz attn khopf
vo dar altn goaz.  

Kritzel, kratzel
'z iz na stèkh,
odar furse
na alta vaula vlekh.  

Kritzel, kratzel
'z iz na lumége,
si spilt pinn kössle
attn nazz bege.  

Bartz soin furse
'z loch von per?
kritzel kratzel
est iz ler.  

Kritzel, kratzel
'z iz baz da steat,
'z iz baz da loaft
un baz da geat.  

Kritzel, kratzel
'z geat un khint,
'z iz baz da plast
dar Obarbint.  

Kritzel, kratzel
i vorstea nètt vil.
furse, iz lai a lustegez
"kritzel, kratzelspil".  

Nan "Kritzel-kratzelgruaz" vo dar Rosa von Balìn