Un piccolo paese con una piccola scuola e una piccola biblioteca che, insieme, fanno grandi cose: questo è Lusérn.
Con entusiasmo e con grande coinvolgimento di bambini, maestre e bibliotecaria, si è concluso il progetto di conoscenza del libro che ha visto la partecipazione attiva dei piccoli cimbri frequentanti la Scuola dell’Infanzia di Lusérn. Hanno imparato a conoscere e a scegliere i libri che vorranno leggere perché leggere è un divertimento, hanno realizzato dei libretti illustrati con la guida preziosa di Elisa Bort, raccontatrice e lettrice di storie, hanno costruito con le loro manine il librone con i disegni fatti durante tutto l’anno scolastico, perché quella è la storia più bella. E dopo tanto divertente lavoro, una degna conclusione ci è stata offerta dalla Piccola Libreria di Lisa Orlandi, a Levico, dove i nostri piccoli lettori hanno ascoltato nuove storie ma hanno anche potuto scegliere i libri che vorrebbero ritrovare, quest’estate, in biblioteca atz Lusérn.

Bo mearar baz in a bibliotèk lirntma zo khenna di libadar? Ditza iz daz sèll boda håm getånt di maistre pittn khindar vodar khlumma schual vo Lusérn, zo lirnanen bia ’z bortnda di libadar un ombrómm ’z iz schümma lesanse.
Vor daz gåntz djar, sidar di earstn tang von herbestmånat, di maistre, pittn khindar, soin khent in di bibliotèk vo Lusérn zo zornìra di libarla boda, dena, håm getrakk da huam zo lesa pittn eltarn.
In anìaglaz khinn habaren gètt ’z zettele boda gitt rècht zo nemma auz in laigom un a schümmaz gelz spörtele zo traga dèstar baz sa håm zornìrt.
Vor anìaglan libar bosa håm gelest, håmsa gemach an disenjo bobar håm auzgehenk in di bibliotèk.
Di earstn vert habar gemucht squase lai zornìrn biar vor di khindar, nètt alle soin gest gebónt zo khemma zo nemma auz libarla, ma, gianante vür pittar zait, hèrta mearar håmsa gelirnt zo vorsa bazzen gevàllt un zo zornìra alùmma. Da håm gelirnt ke di libarla machan kompanja un mang soin guate tschelln, ke da kontàrn stòrdje un helvan zo stiana pittnåndar. Un azta eparùmmaz hatt kontàrt a stòrdja un hatt geschribet an libar bobar lesan gearn un bodaz gevàllt, ombrómm biar mang nètt provàrn, zo kontàra a stördjele? Balbarsen håm gevorst, alle di khindar håm ågeheft zo reda un zo kontàra, alle håm gehatt eppaz bosa hebatn geböllt azta di åndarn höarn. Pittar hilfe vodar Elisa Bort, a diarn boda arbatet pittn bibliotèke vor di khindar, di ünsarn pikkela o håm gemacht anìaglaz soi libarle pittnar stòrdja bosa håm pensàrt se.
Dena, benn gianante di biblioték in di schual un benn khemmante di schual in bibliotèk, habar gemacht pittnåndar a kopertìna zo halta zuar alle di disenje gemacht auz pa djar, ombrómm a libar iz nètt hèrta geschribet ma dar mage soin pitt bildar, daz bichte iz håm eppaz zo khöda.
Un, balda di khindar håm gesek bia ma arbatet un bia ma nützt a bibliotèk, habaren inngerichtet an trèff pittnar botége von libadar. Da soin gånt ka Leve, in di “Piccola Libreria”, pittar Lisa Orlandi boden hatt gepitet zo kontàranen naüge stòrdje un zo machanen zornìrn di libarla bosa böllatn lesan disan summar. Natürlich, dise libarla khoafparse un lengse au in laigom in di Bibliotèk vo Lusérn, ombrómm anìaglaz hatt rècht zo lesa bazzen gevàllt un zo lazza hintar bazza vennen lòune.

NG