Anche quest’estate Luserna e tutta l’Alpe Cimbra sarà ricca di eventi e manifestazioni. A Luserna molte le conferme delle manifestazioni degli ultimi anni, ormai consolidate e garanzia di successo, tra queste si ricordano la 100Km dei Forti, il Südtirol J’atz Festival Lusérn, la Marcia Cimbra e la Desmontegada. Novità del 2017, effettuata il giorno 10 giugno “Cargar la Malga”, la salita al pascolo delle mucche con festa e pranzo in malga Costalta. Naturalmente non mancheranno le mostre del Centro Documentazione Luserna, dove oltre alle mostre permanenti, ne è stata allestita una sui rettili e i fossili. Sull’altopiano, invece, troviamo la rievocazione storica “Recuperando il tempo”, la camminata enogastronomica “Degustando l’Oltresommo” e su tutta l’Alpe Cimbra il “Festival del Gioco” con svariati momenti di gioco e intrattenimento per bambini e famiglie.
Azpe alle di sümmar da gåntz hoachebene bart soin voll pitt manifestazióngen un occasioni zo vennase un zo pasàra schümmane zaitn pinn tschelln un pinn åndarn. Di stadjóng hatt sa ågeheft; defàtti atz Lusérn izta sa khent gemacht atz 10 von sunjo a naüga manifestazióng: “Cargar la Malga”. Nètt lai abevazzan in pèrge in setémbre, ma haür di laüt håm o gemakk auvüarn di khüa in di khesar vo Kostalta un sèmm håmsa gevuntet an guatn vormaz. Hèrta di sèlln tang in lånt izta pasàrt azpe alle djar di gara vo bici “100 km dei forti”, azpe hèrta vil laüt boda håm geloaft pinn rat un vil laüt nå in beng z’segase pasàrn. Atz Lavròu invéze izta sa khent gemacht da zboate edizióng vodar rievocazione storica “Recuperando il tempo”. Atz Lusérn atz 30 vo ludjo barta bidar khemmen augerichtet di “Marcia Cimbra”, atz zboa von ludjo dar “Südtirol J’atz Festival” un azpe bar håm sa khött atz 16 vo setémbre da Zimbar Desmotegada. Haür bartnda soin naüge manifestazióngen o. Atz 8 un 9 vo ludjo in Vesan bartnda soin ploaz attività un manifestazióngen nå dar milch, ma bart provàrn zo mèlcha, un zo macha in khes redante vo khüa un von lem un vodar arbat von baké: zo bizzasan mearar un provàrante bartma machan naüge esperienze. Un vor di djungen boda bölln lirnen zo faiva di chitarra barta soin an corso vo drai tang, von 29 vo sunjo atz 2 vo ludjo, au kan Hüttn kan Bildungshaus von Kamòu. An lestn, barta khemmen augerichtet an konzért o. Atta hoachebene barta nètt soin zo vorlìara “Degustando l’Oltresommo”, tritzlante in balt èzzante un trinkhante in di altn haüsar un khesarn. Von 23 afn 29 vo ludjo barta o soin dar “Festival del gioco” pitt ploaz okasióngen vor di khindar un di groazan zo spila un zo vennase pittnåndar. Azpe hèrta dar Dokumentationszentrum hatt, oltre in mostre permanenti, augerichtet a schümmana naüga auz-stellung aft di vichar in di khnottn gevuntet atz Lusérn un at di hoachebene. Azpe alle di djar dar summar vo Lusérn un vodar hoachebene gitt hèrta la possibilità eppaz zo tüana vor alle di laüt, vor di khindar un vor di åndarn o.
Daniel von Polèz
Trentino, Di Sait vo Lusérn, venerdì 16 giugno 2017