Di Sait Vo Lusérn



07/07/2017
()

IN DI KHESAR VO PORTA MANAZZO ZO REDA VON LEM UN VO LIBADAR

Si è conclusa con la premiazione a Malga Porta Manazzo, sulle montagne di Asiago, la settima edizione del prestigioso “Premio Mario Rigoni Stern per la Letteratura Multilingue delle Alpi”, istituito con l’intento di “onorare la memoria del grande scrittore dell’Altipiano e della sua opera, al fine di perpetuarne i valori di fratellanza tra i popoli, di rispetto dell’ambiente, di umanità alpina”.  È un concorso che premia opere di narrativa e di saggistica dedicate alle Alpi, al loro paesaggio e alle loro genti.  Il Premio 2017 è stato assegnato a Diego Leoni e Matteo Melchiorre, vincitori ex aequo rispettivamente con “La guerra verticale” e “La via di Schenèr”. Tra le opere segnalate anche il romanzo “Di roccia di neve di piombo” dello scrittore Andrea Nicolussi Golo.  

Au a Porta Manazzo zo lüsna ren groaze schraibar, un tortemìtt in se, dar Andrea Golo vo Lusérn, pittn lest libar bodar hatt geschribet. Allz ditza pittn praiz boda bill gedenkhan in schraibar vo Slege, Mario Rigoni Stern, tschell vo Lusérn, boda nia hatt vorgèzzt zo khemma in da khlumma bibliotèk von lånt, baldar ummar iz gest z’zoaga soin bichtegen tschelln, daz schümma bodada iz afta ünsar hoachebene. Lai zo gedenkha umman vo disan tschelln, an tage izzar da gerift pittn Giulio Einaudi, un vor a khlummana bibliotèk von pèrng, iz an onór mang khön zo haba gehatt da an månn boda hatt getrakk di gröazarstn schraibar in da gåntz bèlt. Vor ditza, håm darkhennt in libar “Di roccia di neve di piombo”, von ünsar schraibar Andrea Golo, in an praiz boden gedenkht, iz eppaz groazez un bobar kontàrn gearn. Disar praiz izta sidar ’z djar 2011 un ’z djar 2014 hatten gebunnt nicht mindar alz dar Mauro Corona. Darzùar, vennense zo gedenkha an groazan månn azpe dar Mario Rigoni Stern, in di khesar vo Porta Manazzo, bill gedenkhan bia, anìagladar platz hatt soi stòrdja vo kultùr, laüt, vichar un natùr un ke alle biar håm a huamat in hèrtz, un sichar ditza vennbarz in di stòrdje von schraibar boda håm gebunnt ma in di sèlln von Andrea o. Dar praiz “Mario Rigoni Stern” iz gånt in zboa schraibar Diego Leoni un Matteo Melchiorre, pittn soin libadar “La guerra verticale” un “La via di Schenèr”. Pittn Andrea Golo, soinda o khent nominàrt Alexis Bétemps vor “Le temps suspendu” un dar Paolo Cognetti vor “Le otto montagne”. Ploaz schümmane libadar boda ren von pèrng, von laüt un von lem. Azzar hatt lust zo lesase auz pa summar, in di bibliotèk vo Lusérn, venntarse alle. Pittn sèlln von Mario Rigoni Stern, natürlich.  

(N.G)


Trentino, Di Sait vo Lusérn, venerdì 07 luglio 2017
IN DI KHESAR VO PORTA MANAZZO ZO REDA VON LEM UN VO LIBADAR

CONDIVIDI