| |
|
 |
|
|
|
 |
Dar Rheo Martin Pedrazza is khennt gebortet
ats 11 von novémbre 1924 da ats Lusérn, 's
zimbar lònt zbischnen in provìntzan vo Tria
un Vicenza. Au in disan khlumman lentle pit
soin njònka tausankh seln issar gònt ka schual
er ("scuole elementari"). Denna ìssar
gònt zo diplomàrase nidar ka Tria in pa
"scuole industriali".
Datto ke dar hatt gehatt gezoaget an starchan
interèsse
vor in disènio un 's gemala, soine laüt hòm
detzìdart zo schìkhanen lirnen kan lusernar
Rudolf Nicolussi. Disar is gest skultór un
hattse sa gehatt ingerichtet gerècht ka
Poatzan, bodar hatt gehatt a botége er.
|
|
|
In djar 1942 di laüt au ats Lusérn hòm gehatt zo
detzìdra, besa böllatn stian in Beleschlònt oder besa
böllatn durchgian zo leba in territòrio von Taütschlònt.
Di famìldja von Martin is partìrt. An earstn soinsa gònt
a Hallein, denna soinsa gònt ka Linz un an lestn soinsa
khennt z'stiana a Stams nòmp Innsbruck.
1943 hòmsen drinngezoaget in di Wehrmacht in Martin.
Darnò soinan khennt ingevònkh hattar gemucht zuarprengen
a gòntza zait inngespèrrt von fròntschésan in an kòmp
vor pridjonìarn von khriage.
Verte 's khriage isser gest af dar
"Staatsgewerbeschule" in Innsbruck in djardar
1946-47 un denna, vort von djar 1948,
af dar "Akademie der schönen Künste"
vo Vienna. Darnò ausstudiàrtse hàttarse gemacht
nèt gepùntetar künstlar er un sidar 's djar 1964 lirntar
disénio in studént vo nar obarschual.
|
| |
|
|
| |
|
Soine arbatn soin khennt gezoaget drinn in viln
ausstellomen ummar pa dar gòntz Europa un a drai
vénntmase drinn in dar gallerìa Belvedere a Vienna,
in Landesmuseum Ferdinandeum a Innsbruck, in
dar kolletzióng vo dar Landesregierung vo Tirol, in
dar kolletzióng vo dar Raiffeisen RLB Landesbank, in
Dokumentationszentrum Lusérn, in Kamòu vo Stams un drinn
in viln privàtn kolletzióngen o. In djar 1982 hattar
augètt 's gemala zoa zo màgase zuarkhearn gòntz in
geschraiba un in studio vo dar filosofìa.
|
| |
|
'S djar 1988 hattar denna publikàrt 's puach
"Nach- und vorgreifendes Denken aus drei
Jahrzehnten", a
"moralfilosófege" arbat
geschribet nützante ploas aforìsme, un 's djar
1990 "Unzeitmäßig-Zeitgemäßes",
khémmante sber ògegrifft peng soin moràlegen
positzióngen, bódase haltn gòntz starch
ògepuntet at nar naturalìstegen idèa von lem.
In di earstn djardar 90 hàttarse gezoget bodrùm
a Stams er, bodar denna hatt augemacht 's
Pedrazzeum. Dar hatt hergerichtet naüge soi
haus: Di maurn tappetàrt gòntz voll pit soin
gemalatn arbatn, dar gart ingerichtet pit
sprèkhlatn kolönn un pit gemaüra geschümmart
pit bòtzan un òndarn matardjél. Alls ditza
hattars getònt er vorgèssante nia, fin haüt,
soine zimbarn burtzan au in di pèrng.
|
 |
|
| |
 |
Höarantese starch ògepuntet ats lònt, bodar is
khennt gebortet, hattar geschenkht in
Dokumentationszentrum Lusérn 35 pildar un
soine khòmmarn von haus, boda est soin khennt
hergerichtet vo dar Redjóng, vo dar Provintz un
von Kamòu màchante au di Pinakotèk Pedrazza.
Zoa zo vònga meara informatzióngen odar zoa
z'schàuga ò di pinakotèk:
Centro Documentazione Luserna
via Trento 6
38040 Luserna (TN)
Telefon: (0039) 0464-789638
Mail:
turismo@lusern.it |
|
| |
| |
| |
|
