Riprenderanno lunedì 27 marzo alle ore 20.00 presso la propria sede gli incontri su “Crescere un bambino bilingue” che il Kulturinstitut Lusérn organizza in collaborazione con Biliguismo Conta. Il primo appuntamento sarà con la prof.ssa Patrizia Cordin, seguiranno il 20 e 27 aprile due incontri con la prof.ssa Sabine Stricker, l’ultimo sarà il 4 maggio con la prof.ssa Mara Vender.

In vorgånnate månat vo ditzembre in kulturinstitut iztase gest gehaltet a trèff pittnåndar pittar feroine “Bilinguismo Conta”. Ma hatt gehatt geredet übar bia di khindar mang kreschar dupplzung, un bia ditza mage soin bichte in gianante vür in lem. Zo khödanaz vo disan sachandar soinda gest khent di profesóren, boda soin toal vo disarn feroine, Patrizia Cordin un Sabine Stricker boda darzuar lirnen in da Trianar Universitét. Azpe sa iz gest khennt alóra dar sèll beratz nètt gestånt dar uantzege trèff boda dar Kulturinstitut hatt gehatt in sint zo macha.

An menta boda khint, defàtte, atz 23 von mertz, di achte abas, bartze haltn hèrta in da untar sala von Kulturinstitut dar earst trèff vo disan djar 2015. Azta da vorgånnate vert, dar trèff iz gest gemacht mearar baz åndarst zo khennase eppaz pezzar, disan stroach bartma åhevan zo reda gerade vo baz ma schöllat tüan zoa azta khinn kreschar dupplzung. ’Z bartada soin di Profesóren Cordin dar Vorsitzar un dar Dirèktor von Kulturinstitut, dar Vorsitzar von Bizzkomitàt un gloabar vil måmme un tatte boda håm di khindar khlumma. Åndre zboa trèff bartn khemmen gehaltet vodar profesóren Sabine Stricker atz 20 un 27 vo aprile hèrta di achte abas in Kulturinstitut, dar lest bart soin atz viare von madjo pittar profesoren Maria Vender, vo disan barparaz ren di bochan boda khemmen.